Contre les riches au dommage public.

Qui en l’eau claire anguilles veult pescher,
De perdre temps il se veult empescher:
Mais s’il la trouble, il emplira ses rhetz.
Ainsi aulcuns par les loix reserrez
En temps de paix qui n’hont ung rouge double,
Riches se font en ung publicque trouble.[1]

Il n’est que de pescher en eau trouble. (Disent
les gros larrons, que l’on ne pend pas) Parquoy
ilz troublent la paix, & tranquillité des Prin-
ces, & du peuple, pour mieulx piller, & myeulx
couvrir leurs larrecins.

Contre ceux qui s’enrichissent du
dommage publique.

Qui veut aux anguilles pescher,
Ne cherche pas l’eau belle & claire:
Elle luy seroit trop contraire:
Il luy faut l’eau trouble cercher.
Ainsi ces gros loups ravissans,
Qui engloutissent les petits,
En paix ne font pas leurs proffits:
Mais la guerre les rend puissans.[1]

Commentaires.

Cecy est prins de la fable d’Esope, où le pescheur
  Link to an image of this page  [L4v p168] dit, qu’il luy faudroit mourir de faim, s’il ne troubloit
l’eau, à fin que les poissons s’enfuyans, se jectassent plus
facilement dans ses filets. Helas, Combien y a-il de
gents, qui ressemblent à ce pescheur, lesquels pour fai-
re leur proffit, & remplir leurs bourses, sement des trou-
bles & divisions és royaumes & republiques, qui
bien souvent en sont desolees & ruïnees: où aussi
Dieu permet que le troubleur mesme y demeure en-
veloppé.