Le Buyx.

Buyx tousjourd verd, crespe au faist de ses fustes,
Est bois, duquel on faict sonnantes flustes.[1]
Propre aulx amours: mais de palle couleur:
Palles amans sont, par doulce douleur.[2]

Le Buyx garde sa vive verdure, & ha bois de jaune pal-
leur, duquel on faict flustes harmonieuses, (mesmement chez
Rafy Lyonnois, excellent ouvrier) pour sonner amoureu-
ses chansons, & aubades. Ainsi les amoureux sont en leur
vive chaleur, quelque froid qu’il face, hont palle jaunisse
de fievre transie, & en parolle, sont doulx & plaisans.

Le bouis.

Tousjours verd est le bouis, & crespu par la cime,
La flute qu’on en fait rend son harmonieux:[1]
  Link to an image of this page  [N5r p201] Aux delices propre est de ceux qu’amour anime
Il paslit, aussi font tous povres amoureux.[2]

Commentaires.

Le bouis est le symbole d’amour, pource qu’il est
verd mais d’une verdeur pasle. Aussi les amoureux
esperent tousjours, mais ceste esperance n’est jamais
separee de doute & crainte. Le bouis est fort propre
à faire des flutes de toutes façons, l’harmonie des-
quelles fait quelquefois passer la fantasie aux amou-
reux.