Le Morier.

Le Morier sage, & en Graec mal nommé[1]
Ne fleurit point que L’hyver consommé.[2]

Consommé, & finy Lh’yver [=L’hyver] , lors le
Morier, apres les aultres grandz arbres,
  Link to an image of this page  [R1r p257]commence à jecter ses fleurs, & germes,
hors les dangiers des froidures, & ge-
lées, Ainsi faict le sage, qui ne s’advance
point en tous affaires, avant qu’il soit
temps, & ne hazarde rien, à dangier,
mais au plus seur. Parquoy, il est nom-
mé en Graec Moros par sens contraire,
Car Μώρος en Graec est à dire fol: & il
est sage, qui ne gecte point sa fleur, &
son fruyct, que tout le peril d’hyver ne
soit consommé.

Le meurier.

Jamais durant le froid le meurier ne bourgeonne:[1]
Sage il est, quoy qu’à tort nom de fol on luy donne.[2]

Commentaires.

On baille diverses etymologies au meurier. Les
uns le derivent d’un mot Latin, qui signifie retarde-
ment: les autres d’un mot Grec qui signifie noir: &
autres encor d’un autre mot Grec, qui signifie fol: &
ce par antiphrase: car c’est le plus sage de tous les ar-
bres. Pline & autres en parlent en ceste façon: Le
meurier verdoye le dernier de tous les arbres de la
ville: car il attend que tout le froid soit passé: & pour-
ce est-il appellé le plus sage de tous les arbres. Mais
quand il commence à pousser, il acheve tout en une
nuict, & se fait mesme ouïr. On l’employe pour sym-
bole de la prudence: car il attend l’occasion du temps
& de la saison, de peur que l’injure de l’air ne l’en-
dommage. Ainsi l’homme prudent dilaye tout expres
ses affaires d’importance, & tous ses conseils, ne les
voulant point executer avant le temps, ains attendant
une occasionmeure , ou il les puisse exploiter sans
dommage & sans danger.