De celle qui fut mariee à un podagre.

Dieu doint mieux aux humains:[1] pourquoy veux-tu, Mezence,
  Link to an image of this page  [O1v p210] Me joindre maugré moy, à un corps tout infect?
Corps ladre & verolé? n’est-ce pas en effect
Estre trescruel pere, & trop plein de meschance?
N’est-ce pas les vivans joindre aux morts par desroy,
Comme autresfois faisoit de Toscane le Roy?[2]

Commentaires.

Virgile a publié l’horrible & detestable cruauté
de Mezence, qui accouploit les corps vivans avec
ceux des morts, mains sur mains, & bouche sur bou-
che. Alciat deplore icy la condition d’une honneste
& vertueuse fille, que son pere contraignoist de prendre
à mari un personnage maleficié, & tout pourri de
verole. Erasme a faict un dialogue presque de mesme
argument.