Trahison contre les siens.

Le canard, vray mouchard, au pennage azuré,
A son maistre est du tout fidele & asseuré.
Quand des autres canards la trouppe par l’air vole,
  Link to an image of this page  [P7r p237] Il jargonne, & soudain en leur trouppe il s’enroolle,
Tant que par son attraict ceste trouppe mal sage
Dans les filés cachés s’enveloppe & s’engage.
Lors ce bestail captif se tormente & s’estonne:
Mais le traistre mouschard pas un seul mot ne sonne.
Perfide & desloyal il vend son propre sang,
Pour à l’homme servir, qui n’est pas de son rang.[1]

Commentaires.

Cest embleme est faict contre tous traistres &
perfides, qui sous le manteau d’amitié & familiarité
font tumber les autres au piege: mais principalement
il en veut à ceux qui sont traitres à leur patrie. Il
les accompare aux canards privés & domestiques,
que leurs maistres enseignent à faire venir les autres
dans les filés. Les canars ne sont pas seuls ausquels
on apprend ceste leçon: on l’apprend aussi aux pi-
geons.