L’hoirie du riche.

Patrocle revestu d’une tres riche armure,
Tout mort receut des Grecs & des Troyens injure:[1]
Chacun le veut avoir: mais Hector le retient,
Et sa riche despouille il attrappe & obtient.
Ceste fable nous dit, que le riche mourant
Laisse noise apres soy: mais en fin l’heritier
Baille de ce bien là, pour tout pacifier,
Au corbeau, au vautour, & au noir cormorant.[2]

Commentaires.

Patrocle represente les riches, qui combattent avec
fausses armes, & non pas avec les leurs: à sçavoir par
leurs richesses & par leurs moyens, qui ne sont pas
nos propres biens, mais externes. En fin l’homme suc-
combe & est abbattu pource qu’il ne devoit pas me-
surer sa felicité par aides de telle estoffe. Ceux qui
  Link to an image of this page  [Q1r p241] grattent les pieds de ceux qui n’ont point d’enfans,
sont icy appelés Corbeaux. Il appelle vautours &
cormorants ceux qui tirent proffit des morts, soit
pour les enterrer, soit pour mettre leurs biens en in-
ventaire.