Single Facsimile View | View Transcribed Page

Single Emblem View

Link to an image of this page  Link to an image of this page  [Q4r p247]

La Chauvesouris

XCII.

L’oiseau, qui de nuict vole, & de jour rien ne void,
Qui quoy qu’aisles il ayt, rat au reste apparoit,
S’applique à divers cas: tout premier il depeint
Le debiteur qui fuit, & qui le juge craint:
Le Philosophe apres, qui, le ciel remirant,
Link to an image of this page  Link to an image of this page  [Q4v p248] S’esblouït, & souvent le faux pour le vray prend,
Et puis les deceveurs, qui, flattans deux partis,
Se retrouvent en fin de l’un & l’autre haïs.

Commentaires.

Alciat accommode le nom de la chauvesouris à
trois sortes de personnes: premierement à ceux, qui,
estans fort endebtés n’osent marcher que de nuict, de
peur que leurs creanciers ne les rencontrent, & les
poursuyvent par justice. En second lieu, à certains
fantasques & severes sectateurs de la Philosophie,
lesquels ne voyent du tout goutte on leurs recerches:
& quoy qu’ils cerchent des choses qu’ils ne peuvent
voir des yeux, ny toucher aux mains, neantmoins ils
en parlent & discourent avec telle asseurance, qu’il
semble qu’ils n’ayent bougé des cieux. En troisieme
& dernier lieu il baille le nom de la chauvesouris à
des gents cauts & rusés, lesquels, quoy qu’ils ne
soyent ny de ce parti, ny de l’autre, ils ne laissent pas
de s’entendre & conferer les uns avec les autres, &
manient si dextrement leurs affaires, qu’il semble
qu’ils ayent droit de conferer, & s’entremettre en
tous leurs negoces, les approuver & louanger, ou bien
se mocquer d’eux, & les outrager, s’il leur vient à
poinct: sorte de gents, à la verité, du tout perfide &
infidele, & qu’un chacun doit detester & avoir en
abomination.


Related Emblems

Show related emblems Show related emblems

Hint: You can set whether related emblems are displayed by default on the preferences page


Iconclass Keywords

Relating to the image:

    Relating to the text:

    Hint: You can turn translations and name underlining on or off using the preferences page.

     

    Back to top