Aller de bien en mieux.

Ma partie m’a faict un groin de porceau prendre,[1]
Qu’elle a dit apporter pour estrene à mon ventre.
Le porceau marche avant, sans qu’arriere il s’addresse,
Lors qu’avec son long groin la terre il bouleverse.
Les vaillans sont ainsi, que bien l’oeuvre commencent,
Et vont de mieux en mieux, quand Plus outre ils avancent.

Commentaires.

C’est [=cest] embleme nous enseigne, que jamais il ne
nous faut quitter l’oeuvre entrepris , mais tousjours le
poursuyvre. Quand le pourceau trouve du gland, ou
  Link to an image of this page  [O7r p221] autre pasture, il briffe tousjours, sans aucunement
regarder derrier soy. Quelques uns estiment qu’Al-
ciat a composé cest embleme en faveur de l’Empereur
Charles cinquiesme, à cause de ce mot Plus Ou-
tre, lequel il eut pour devise apres sa victoire
Africaine.