Single Emblem View

Link to an image of this page  Link to an image of this page  [F2v p84]

Le parlement du bon Prince.

LIX.

Ces gents sans mains qui sont assis,
Sont ceux dont justice est pourveuë:
Ils seent ayant sens rassis:
Et don chose n’est d’eux receuë:
Leur Prince privé de sa veuë,
Ne peut appercevoir personne:
Et juge par sentence deuë,
Selon qu’en l’oreille on luy sonne.

Link to an image of this page  Link to an image of this page  [F3r p85]

commentaires.

Les Thebains, personnages fort prudents, mirent
au devant des autels de leurs Dieux, des effigies de
Juges qui n’avoyent point de mains, hors mis le pre-
mier, qui estoit le plus haut assis, lequel avoit bien
des mains, mais il estoit aveugle. Ils vouloyent par ce-
cy nous tracer un modelle & une idee d’un bon &
souverain Senat. Or sont-ils assis, pource que les juges
doyvent estre graves, rassis & constans: non remuans
ny turbulents. Ils n’ont point de mains, à fin qu’ils ne
puissent prendre aucuns dons ny presents, qui les corrom-
proyent. Le Prince n’a point d’yeux, à fin qu’il juge
seulement selon ce qu’il oit: S’il avoit des yeux, cela le
pourroit inviter à avoir esgard aux personnes. Les
Juges se doyvent souvenir qu’ils sont Lieutenans de
Dieu, & que tost ou tard, il faudra qu’ils rendent
compte à leur Capitaine, qui punira beaucoup plus ri-
Link to an image of this page  Link to an image of this page  [F3v p86] goureusement leurs prevarications, qu’il ne fera pas
celles des autres estats & vocations.


Related Emblems

Hide related emblems Hide related emblems

Hint: You can set whether related emblems are displayed by default on the preferences page


Iconclass Keywords

Relating to the image:

Relating to the text:

Hint: You can turn translations and name underlining on or off using the preferences page.

Single Facsimile View | View Transcribed Page

 

Back to top