Single Emblem View

Link to an image of this page  Link to an image of this page  [I4r p135]

Receptateurs d’homicides.

XCIIII.

Gents apres toy avec espees,
Link to an image of this page  Link to an image of this page  [I4v=p136] (Dont plusieurs ont gaigné le pendre,
Ou d’avoir oreilles couppees)
Te font cornes au chef estendre:
Mais il t’en pourra ainsi prendre,
En nourrissant tels ruffiens,
Qu’à Acteon, qui (faict Cerf tendre)
Fut mangé par ses propres chiens.[1]

commentaires.

Alciat a faict cest embleme contre un qu’il ap-
pelle Scaeva en son epigramme Latin. Il l’accompare
à Acteon, fils d’Aristee, lequel estant merveilleuse-
ment addonné à la chasse, nourrissoit plusieurs chiens
en sa maison. Un jour, apres s’estre bien lassé &
travaillé à la chasse, il arriva à une fontaine fort ca-
chee pour s’y laver & recreer. Mais de malheur il y
rencontra Diane, Deesse de la chasse, & de chasteté,
& amie de la solitude, accompagnee de quelques unes
de ses nymphes, qui se lavoyent toutes nues en ladite
fontaine. Estans irritees contre luy, de ce qu’il les a-
voit surprises ainsi nues, elles luy jecterent de l’eau,
peut estre non sans quelque imprecation, si que le
povre Acteon commença à prendre cornes & à de-
venir cerf tout à faict: tellement que voulant retour-
ner à sa maison, ses propres chiens le deschirerent &
devorerent. Ainsi void on souvent, que plusieurs s’e-
stiment grands Seigneurs, liberaux, & magnanimes,
pource qu’ils nourrissent, fomentent, & ont ordinai-
rement à leur suite des larrons, meurtriers, desloyaux,
Link to an image of this page  Link to an image of this page  [I5r p137] & autres semblables garnements: mais tant s’en faut
que celà les annoblisse, qu’au contraire ils se peuvent
asseurer, que tost ou tard ces gents de meschante vie
les ruineront de corps & de biens, ne plus ne moins
que les chiens d’Acteon devorerent leur maistre.

Notes:

1.  For the story of Actaeon turned into a stag and killed by his own hounds, see Ovid, Metamorphoses 3.138ff. Similarly, the hangers-on will destroy the one who has fed them.


Related Emblems

Hide related emblems Hide related emblems

Hint: You can set whether related emblems are displayed by default on the preferences page


Iconclass Keywords

Relating to the image:

Relating to the text:

Hint: You can turn translations and name underlining on or off using the preferences page.

Single Emblem View

Section: DESLOYAULTE. View all emblems in this section.

Link to an image of this page  Link to an image of this page  [E6v p76]

Contre les retrayeurs de brigandz.

Apostrophe.

Larrons brigandz suytte d’armes garnie
Te faict par ville (O Pompard) compagnie.
Ainsi prodigue estre anobly tu penses
Par telz mauvais, qui suyvent pour leurs panses:
Puis qu’ainsi has prins cornes: de tes chiens
Mangé seras, comme Acteon des siens.[1]

On fainct Acteon avoir esté mué en cerf, & mangé
par ses propres chiens. Ainsi ceulx, qui pour contre-
faire les nobles, entretiennent espadaciers, & levent
les cornes d’oultrecuidance, deviennent serfs à leurs
gens, & leur bien est finalement par iceulx consommé.

Notes:

1.  For the story of Actaeon turned into a stag and killed by his own hounds, see Ovid, Metamorphoses 3.138ff. Similarly, the hangers-on will destroy the one who has fed them.


Related Emblems

Hide related emblems Hide related emblems

Hint: You can set whether related emblems are displayed by default on the preferences page


Iconclass Keywords

Relating to the image:

Relating to the text:

Hint: You can turn translations and name underlining on or off using the preferences page.

 

Back to top