La musique plaist aux Dieux.

La Harpe, d’Eunome jouant,
Contre Ariston, rompit sa corde.
Voicy la Cigale bruyant,
Qui le defaut du son recorde:
Et tant bien au lieu vuide accorde,
Qu’Eunome en obtint la victoire.
En cuyvre fit telle beste orde,
L’offrant à Phebus, pour memoire.[1]

.

Eunome de Locres, fut un excellent joueur de har-
  Link to an image of this page  [K8v p160] pe, lequel ayant esté contrainct d’entrer en lice avec
Ariston, aussi musicien, comme au milieu de leur
musique, une des chordes de la harpe d’Eunome fut
venue à se rompre, si que l’harmonie en estoit defe-
ctueuse, voire dissonante, une cigale accourut inconti-
nent, qui se posant sur la harpe, supplea le defaut de
la chorde rompue, si que Eunome fut declaré victo-
rieux: lequel voulant recongnoistre le plaisir qu’il
avoit receu de la cigale, la fit graver en cuyvre &
apposer sur sa harpe, & dedia l’un & l’autre à A-
ppollon. Pline recite qu’à Locres les cigales chantent
fort melodieusement, mais au païs d’Ariston elles n’y
sonnent mot. Le vray usage & subject de la musi-
que, soit de vive voix, ou sur les instruments, ne doit
estre autre que les louanges de Dieu: & ainsi l’ont
prattiqué & le doyvent prattiquer tous les gents de
bien.