Le glaive d’un furieux.

Ajax estant parmi son troupeau porte soye,
Estime, en les tuant, tuer Grecs par la voye:[1]
Ainsi les porcs souffroyent, comme hostie empruntee,
Au lieu d’Ulysse, & des principaux de l’armee.
La fureur l’empeschoit de nuire à ses haineux,
  Link to an image of this page  [] Si qu’il tue & abbat ses porceaux au lieu d’eux.

Commentaires.

Advisons sur tout, que la cholere ne nous emporte,
& ne nous laissons point surmonter à icelle: car en
fin la cholere devient fureur & rage, laquelle ayant
pris place en nos coeurs, en chasse la raison, qui apres,
à grand’ peine y peut jamais rentrer. Ajax ayant
esté meschamment & à tort condamné au plaidé des
armes d’Achilles, estant enflammé de rage, tue ses
propres porceaux, pensant tuer Agamemnon, Ulysse,
& les autres Grecs.