La republique delivree.

Apres que par la mort de Cesar, Brute eust mis
  Link to an image of this page  [N8v p208] Romme en sa liberté, maugré tous ennemis,
Il fit forger monnoye où un bonnet estoit
Sur deux ou trois poignards: Et celà designoit
Que le tyran occis, est liberté acquise
A Romme, qui se void hors de servage mise.[1]

Commentaires.

Cesar, ayant surmonté ses ennemis, ne s’arresta
pas là, mais il usurpa la dictature perpetuelle. Brute
& Càsse, voyans la Republique asservie, tuerent Ce-
sar: & pour remarquer ceste delivrance, firent battre
monnoye, où estoit un bonnet sur deux ou trois poi-
gnards. Les poignards, pour signifier comment le ty-
ran avoit esté occis: & le bonnet, pour tesmoigner
que par ce meurtre la liberté estoit acquise à la repu-
blique. Le bonnet estoit la marque de liberté: ainsi
qu’il apparut à bon escient en la mort de Neron, où
presque tout le peuple en toutes les provinces char-
gea le bonnet, pour tesmoigner qu’il estoit delivré
d’une cruelle domination.