Le Chesne.

LE grand Chesne est en la garde
De Jupiter qui nous garde,
Nous maintient & tous nos biens:
Et de Chesne la coronne
Aussi à celuy se donne,
Qui sauve & garde les siens.
Autre.
Le Chesne a nourry gens sans nombre,
Maintenant ne nous sert que d’ombre:
Les vieux s’en sont aidez ainsi,
Et nous nous en servons aussi.

LE Chesne, consacré à Jupiter, sert de de-
vise, qui signifie salut. Plutarque en rend
plusieurs raisons. Or la coronne de Ches
ne, autrement appellee Civique, estoit an-
ciennement donnee à celuy citoyen, qui a-
voit garanti de mort un autre citoyen, comme
pour memoire & tesmoinage de vie & salut.
il se peust aussi accommoder ou à un homme,
ou à quelque autre chose, qui jadis a esté en
grande reputation, mais maintenant ne por-
te que l’ombre d’un grand nom, comme Lu-
cain parle de Pompee mort.