Lon doit oster Ignorance.

Sphinx pucelle est de visage,[1]
En plume oiseau, pieds de lions:
Ignorance a sur nous usage,
Pour trois vices, dont nous lions:
Quels? que peu nous humilions,
Qu’aimons volupté, inconstance:
De tous lesquels nous deslions,
Quand avons de nous congnoissance.

commentaires.

Le monstre Sphinx est icy depeint, ayant visage de
pucelle, plumes d’oiseau, & pieds de lion. Par ce mon-
stre est designee l’ignorance, laquelle est produite de
trois sources. Les uns sont ignorans, à cause de la le-
gereté & volageté de leur esprit: les autres le sont
à cause de la mignarde volupté qui les abestit: & les
  Link to an image of this page  [E2v p68] troisiemes sont rendus ignorans par leur arrogance.
Ce monstre effroyable tenoit ses assises pres de Thebes,
là où il proposoit des enigmes aux passans, qui ne les
pouvans soudre estoyent par luy devorés. Mais Oedi-
pe, fils du Roy de Thebes, passant par là manifesta
incontinent l’enigme à luy proposé, dont Sphinx fut
si despité, qu’il se precipita soy mesme de la montagne
en bas. Or estoit ledit enigme tel: Quel animal est ce
qui a deux pieds, trois pieds, & quatre pieds? Oedipe
luy dit que c’estoit l’homme, qui en enfance cheminoit
de pieds & de mains: puis estant sorti d’enfance n’al-
loit que sur ses deux pieds: mais estant sorti d’enfance vieil
force luy estoit de s’appuyer sur un baston, tellement
qu’on pouvoit dire qu’il alloit à trois pieds. Le sens
moral de cest embleme, c’est que qui bien se congnoist,
ne peut estre dit ignorant.