Paix.

La paix est excellente chose:
Et de Dieu est un don entier.
L’Elephant apres guerre close,

Gaigne sa vie à vil mestier:
Et sert à present le chartier,
Au lieu qu’il portoit tours en guerre:
Bien congnoissant qu’en tout quartier,
Où paix est, guerre ne vaut guere.[1]

commentaires.

L’Elephant, qui pour la grand’ force qu’il a au dos
& aux dents, souloit autresfois porter les tours, &
estre aux cruelles guerres principal instrument de la
victoire, maintenant s’abbaisse du tout, subit je joug,
& endure les esguillons, tirant & menant aux sa-
crés temples les chariots triomphans des Cesars. Peut
estre que cest animal avoit remarqué que la paix &
la concorde estoit par toute la terre, & pource ainsi
volontairement il s’employoit és charges & devoirs
de la paix, rejectant & ne faisant plus cas des armes
guerrieres. Par cest embleme nous est enseigné que la
  Link to an image of this page  [H3r p117] paix ameine les plus enragés les plus furieux, à
des actions Chrestiennes, au service divin, & à la
debonnaireté & mansuetude: toutes lesquelles choses
ne sont pas seulement negligees & empeschees parmi
les tumultes de la guerre, mais, qui est bien pis, toutes
choses cruelles & funestes s’y prattiquent.