Receptateurs d’homicides.

Gents apres toy avec espees,
  Link to an image of this page  [I4v=p136] (Dont plusieurs ont gaigné le pendre,
Ou d’avoir oreilles couppees)
Te font cornes au chef estendre:
Mais il t’en pourra ainsi prendre,
En nourrissant tels ruffiens,
Qu’à Acteon, qui (faict Cerf tendre)
Fut mangé par ses propres chiens.[1]

commentaires.

Alciat a faict cest embleme contre un qu’il ap-
pelle Scaeva en son epigramme Latin. Il l’accompare
à Acteon, fils d’Aristee, lequel estant merveilleuse-
ment addonné à la chasse, nourrissoit plusieurs chiens
en sa maison. Un jour, apres s’estre bien lassé &
travaillé à la chasse, il arriva à une fontaine fort ca-
chee pour s’y laver & recreer. Mais de malheur il y
rencontra Diane, Deesse de la chasse, & de chasteté,
& amie de la solitude, accompagnee de quelques unes
de ses nymphes, qui se lavoyent toutes nues en ladite
fontaine. Estans irritees contre luy, de ce qu’il les a-
voit surprises ainsi nues, elles luy jecterent de l’eau,
peut estre non sans quelque imprecation, si que le
povre Acteon commença à prendre cornes & à de-
venir cerf tout à faict: tellement que voulant retour-
ner à sa maison, ses propres chiens le deschirerent &
devorerent. Ainsi void on souvent, que plusieurs s’e-
stiment grands Seigneurs, liberaux, & magnanimes,
pource qu’ils nourrissent, fomentent, & ont ordinai-
rement à leur suite des larrons, meurtriers, desloyaux,
  Link to an image of this page  [I5r p137] & autres semblables garnements: mais tant s’en faut
que celà les annoblisse, qu’au contraire ils se peuvent
asseurer, que tost ou tard ces gents de meschante vie
les ruineront de corps & de biens, ne plus ne moins
que les chiens d’Acteon devorerent leur maistre.