Le vin accroist la prudence.[1]

Ce temple ensemblément Pallas & Bac-
chus tiennent,
Qui tous deux au grand Dieu Jupiter appar-
tiennent:
De la teste Pallas, Bacchus vint à renaistre
De la cuisse.[2] Pallas fut celle qui fit naistre
L’olivier, & Bacchus planta premier la vigne:
L’un & l’autre, pour vray, de grand’ louange est digne:
Ils s’accordent fort bien: qui point de vin ne
boit,
Peu souvent assorti de prudence se void.

commentaires.

Pallas & Bacchus ne sont pas seuls qui ayent au-
tel & temple en commun, mais aussi Ceres & Ne-
ptune, Hercule & les Muses, Mercure & Venus,
la Persuasion, & les Graces. Pallas sortit de la teste
de Jupiter toute armee, & le mesme Jupiter tira
Bacchus du ventre du Semelé, & le mit dans sa cuis-
se, à fin qu’il y parachevast ses neuf mois. Le vin ac-
croist nos forces, le sang, la couleur, l’ame vegetative,
& les parties nobles. On dit que le vin esveille l’e-
sprit, & est un aiguillon à la vertu. Mais il en faut
user moderement, & nous faut estre sobres en tout
nostre manger & boire: autrement le vin & les
viandes nous perdroyent.