Je porte tout avec moy.[1]

Le povre Scythe au bord Pontique[2] espars
De gel & froid a tous ses membres ars.
De pain & vin il n’use en nulle sorte,
Et toutesfois habits riches il porte:
Car fines peaux subelines l’entourent:
On void ses yeux: les peaux le reste couvrent.
Larrons ne craind, ny injure de l’air:
Ferme & sans peur est en terre & ecraindn mer.

Commentaires.

L’Apophthegme de Bias[3] est icy mis pour inscri-
ption de cest embleme. L’esprit de l’homme ne doit
dependre de ce qui est caduque & fortuit, & de ce
qui luy peut causer soucis & chagrains sans nombre:
mais nous nous devons contenter de ce que la beni-
gne nature nous a departi, & de ce qui depend de
l’esprit. Cest embleme est tiré de Justin, qui parle des
Scythes en ceste façon. Les Scythes n’ont aucunes
bornes, qui les separent les uns des autres. Ils ne cul-
tivent point leurs champs: ils n’ont ny maison,
ny toict, ny demeurance: ils s’occupent à paistre leurs
troupeaux de grand & menu bestail, errans pars des
deserts inhabités. Ils trainent avec eux, sur des cha-
riots, leurs femmes & enfans. Ils se servent de ces
chariots en lieu de maisons, les couvrans de cuir, à
cause des pluyes & du froid. La justice est emprainte
en leurs esprits, & non exprimee par aucunes loix. Ils
n’estiment rien plus meschant que le larcin. Ils mes-
  Link to an image of this page  [Q3v p246] prisent autant l’or & l’argent, comme les autres le
desirent. Ils se nourrissent de laict & de miel. Ils ne
sçavent que c’est que de la laine. Ils se couvrent des
peaux des bestes sauvages, & de martes subelines.
Ceste continence fait que leurs moeurs sont droites
& sinceres: car ils ne convoitent rien de l’autruy. Ils
ne sçavent que c’est que le pain & le vin. Ils n’ont
qu’une robbe, laquelle ils ne se posent jamais, sinon lors
qu’elle tumbe toute en bribes. Que rien n’ha, ne craint
des larrons ny les brigands. Qui veut estre heureux,
qu’il ne convoite rien: qu’il ne possede rien de si pre-
cieux, que plusieurs viennent à le convoiter. Celuy
qui n’a rien, le brigand le laisse passer. Qu’il se jecte
dans la philosophie, & dans les arts liberaux, qui
aux gents de bien sont en lieu de villes imprenables.