La clemence du Prince.

Ce que le Roy des guespes rien ne poingt,[1]
(Quoy qu’il soit grand.) Et d’aguillon n’ha poinct
Monstre ung Seigneur doulx aulx siens, comme amys:
Et les sainctz droictz à gens de bien commis.

Le Roy des Guespes, & aveilles
est deux fois plus grand, & fort
que les aultres, & si n’ha point
d’aguillon picquant, & vene-
neux, comme les aultres. Ainsi
ung bon Prince plus est puis-
sant, plus est clement, & moins
nuysant, tel que fut le Magni-
ficque Jule Caesar.