Estre invicible du dard de Cupido.

Si aux anciens statuts tu crois,
Amour perd son enchantement:
Quand dessus deux cercles en croix,
  Link to an image of this page  [D1v p50] Balequeuë est mis droitement,
Queuë & bec aux croix justement,[1]
Qui est contre art faux guerison:
De Medee ainsi le torment
Evita le sage Jason.[2]

commentaires.

Alciat a tiré ce remede caché de Paul Geometre
Florentin, lequel l’avoit pris d’Albert le grand, &
tous deux le tiennent pour un preservatif tresexcel-
lent contre les empoisonnements, notamment contre
les ensorcellements amoureux. Ce preservatif se fait
ainsi: Apres avoir faict entrecopper deux cercles ega-
lement & en croix, on applique à iceux une guigne-
queuë de telle façon, que le bout du bec & la queue,
& le bout des deux aisles, touche lesdits deux cer-
cles en quatre endroits. Puis on le met & porte on sur
sa poictrine. On dit que Jason muni & fortifié de ce
remede, ne peut jamais estre induit par Medee, qu’il
voulust chasser de sa maison Glauce ou Creüsa, fille du
Roy Creon, laquelle il avoit espousee. Or sont tellement
cachés & difficiles à trouver les remedes du fol a-
mour, & de l’effrenee volupté, que s’il ne nous est
donné de Dieu, il est bien difficile de s’en pouvoir sau-
ver.