A la fin justice le gaigne.

Neptune aperceut que les Grecs
Avoyent contre Ajax mal jugé:
  Link to an image of this page  [p57] Concevant pour ce grands regrets,
L’escu d’Achilles a chargé:
Lequel par eau tant a nagé,
Qu’au tombeau d’Ajax dire vient:
Je suis tien, & tu m’as rangé:
A justice obeïr convient.[1]

commentaires.

Achille fut le plus vaillant de tous les Grecs, com-
me Hector estoit le plus preux de tous les Troyens.
Toutesfois ils furent tous deux tués. Achille mort,
Ajax demande ses armes, tant comme cousin germain
qu’il luy estoit, que pource qu’apres Achille, il n’y en
avoit point qu’il le devançast en prouesse. Ulysse les luy
debattoit, lequel fit tant par son habit qu’on les luy
adjugea. Dont Ajax fut si fort despité, qu’il se tua de
sa propre espee, comme nous avons dit cy dessus en l’em-
bleme neufieme[2] Neptune, Dieu de la mer, desplaisant
de ce que les Graces avoyent faict une telle injustice,
recueillit le bouclier d’Achille, qui estoit tumbé en
mer par la tempeste qui travailloit le navire d’Ulys-
se, & fit en sorte que les ondes le porterent jusqu’au
sepulcre d’Ajax, qui estoit sur le rivage de la mer: &
fit encor que ces ondes gringottoyent ces mots, Reçoy,
Ajax, ce qui de droit t’appartient: car tu merites d’a-
voir ce bouclier. Il faut, tost ou tard, que justice l’em-
porte. Il advient bien souvent que justice est oppres-
ee, & que le tort est preferé au droit: mais Dieu, qui
est tresjuste & tresveritable, ne le peut pas souffrir long
  Link to an image of this page  [D5v p58] temps, ains, tost ou tard, voire quelquefois apres
la mort, il faut que le bon droit revient à son maistre.