Au Sepulcre du Vicomte Galeas.[1]

Qui veut au Duc sepulcre faire,
Qu’il peigne toute l’Italie:[2]
Bataille qui la veut deffaire,
Et rendre du tout abolie:
Puis un (qui sa force ralie)
Garni d’un horrible Serpent:
Criant, Laissez melancolie,
Je suis tout effort dissipant.

commentaires.

Quiconques voudra bastir un tumbeau à ce vail-

  Link to an image of this page  [K4v p152]

lant, genereux & magnanime Duc Jean Galeas, Vi-
sconte, il n’y faut rien mettre autre, que toute l’Italie
heureuse & ne craignant rien, fournie d’armes, &
de braves Capitaines, & close de deux costés: de
l’un par la mer Tyrrhene, de l’autre par la mer A-
driatique. Qu’il adjouste encor beaucoup de nations
barbares, essayans, mais en vain, de l’assaillir, avec
des puissantes armees, & avec des vehements & fu-
rieux assauts. Car au plus haut canton d’icelle est
eslevé sur tous ce vaillant Duc de Milan, ce cheva-
lier sans peur, ce porte serpent, qui ne s’estonnant de
rien, & mesprisant toutes choses basses, s’escrie, Qui
est ce qui m’a establi sur des choses si petites, moy
qui suis si grand? Les histoires sont pleines de la si-
tuation, beauté, fertilité, gloire, & vertus militaires
de l’Italie. Quant à la guivre, armoiries des Ducs de
Milan, nous en avons parlé en l’Embleme premier.