De subite frayeur.

Quand Pan parmi les bois cornoit,[1]
Il faisoit bruit en telle sorte,
Que tous les Tyrans estonnoit
Et faisoit fuïr par cohorte.
Dequoy il prenoit gloire forte,
Disant d’orgueil & coeur enflé:
Qu’est ce qui tell’ peur & bruit porte?
Qu’est ce qui a ainsi soufflé?

commentaires.

Pan fut un des Capitaines du Dieu Bacchus. Ce

fut luy, qui premier rangea les gents de guerre en ba-
taille: & qui premier dressa les bataillons à droite &
à gauche, que les Latins appellent cornes: & de là
est venu, qu’on a baillé des cornes au Dieu Pan. Ce
fut le premier aussi, qui par sa ruse & finesse surprit
ses ennemis: Car comme ceux , qu’il avoit envoyé à la
descouverte, luy eussent rapporté, que ses ennemis a-
voyent campé en l’autre partie de la forest qui estoit
creuse, il commanda incontinent à ses gents, qu’ils
fissent un merveilleusement grand bruit. Ce qui par
eux ayant esté faict, le son en vint beaucoup plus
grand sans comparaison, quand il fut porté en ces
lieux creux & caverneux: faictdont les ennemis furent
tellement effroyés, qu’ils se mirent incontinent à la
fuite. Pan, autrement appellé Faunus par les Poëtes, a
esté tenu por le Dieu des laboureurs & des pa-
steurs. Les anciens ont creu, qu’il avoit pouvoir d’e-
spouvanter & estonner les hommes, sans qu’il y eust
  Link to an image of this page  [K6v p156] aucune cause apparent: & de là est venu le prover-
be, qui dit, Terreur Panique. Au demeurant, les
Faunes, les Satyres, & les Sylvains, sont des mon-
stres d’Ethiopie ayans visage d’hommes, cornes en
teste, & pieds de chevre.