Le chesne.

Le chesne plait à Dieu, qui nous sauve & ramene.
Qui sauve un citoyen, a couronne de chesne.[1]

Autre.

Le chesne avec son gland a nourri les anciens
Maintenant par son ombre il nous fait mille biens.[2]

Commentaires.

Ces deux distichs sont clairs d’eux mesmes. Les
  Link to an image of this page  [N3r p197] Rommains avoyent plusieurs sortes de couronnes.
Mais à celuy qui sauvoit un citoyen ou plusieurs, on
luy bailloit une couronne de chesne. Avant que le
bled & les legumes fussent en usage, le seul gland e-
stoit la viande & nourriture seule des humains. Cest
arbre n’a rien en soy qui ne nous soit proffitable. Son
fruict, ses feuilles, son ombre, son bois, tout nous sert.