Le Dieu Termine.

Une pierre cubique en terre est colloquee,
Et sur icelle est mise une image crespee,
De la poictrine en fus, qui tient si bonne mine,
Qu’elle ne cede à nul: Tel est le Dieu Termine, [1]
Lequel dit qu’il nous faut à un certain but tendre.
Nos jours sont tous comptés & ne devons pretendre
De les croistre ou tronquer: nostre fin est au reste
De la vie passee un tesmoin manifeste.

Commentaires.

Le Termine est le symbole de la mort, qui apporte
  Link to an image of this page  [O6v p220] une necessité inevitable à toutes choses: à laquelle
quand nous sommes parvenus, ceux qui nous survi-
vent parlent de nous en toute liberté: & n’exami-
nent pas seulement nos faicts & nos dits, mais aussi
nos pensees, s’il leur est possible: & en jugent à la ri-
gueur, & sans crainte. Prenons donc garde en vi-
vant, que nous ne facions, ou disions rien mal à pro-
pos, & contre le devoir, si nous avons desir de laisser
de nous une bonne renommee à nos successeurs. Le
Termine estoit la devise d’Erasme, que plusieurs ont
calomnié: mais il leur a pertinemment respondu.