Jamais ne faut dilayer.

D’Alciat la famille en son noble escu porte
Alcé,[1] lequelle dit qu’il ne faut differer:
Alcé, qu’on ne sçauroit bonnement asseurer
Si sa legereté ou sa force est plus forte.
Alexandre le Grand, enquis comme il avoit
Tant de regnes conquis, dit qu’il ne differoit
Jamais:[2] ains ce qu’un coup il avoit arresté
Estoit aussi soudain par luy executé.[3]

Commentaires.

Alciat propose icy les armoiries de sa famille, d’où
il semble qu’ils ayent pris leur nom, remarquant ta-
citement leur valeur & diligence. Alcé, beste sau-
vage, est fort comme un cheval, & viste comme un
cerf, fort semblable à une jument, si la grandeur du
col & des aureilles ny mettoit difference. Alciat il-
lustre son embleme par l’apophthegme d’Alexan-
dre. La promptitude & diligence est une des prin-
cipales vertus d’un grand Capitaine. Alexandre
ayant fait treize stades d’arrachepied, avant que
laisser reposer son armee, bailla bataille à ses ennemis,
& les vainquit. La force & la promptitude doyvent
  Link to an image of this page  [Q2r p243] estre ensemble en la guerre. Que si l’une manque, on
ne fait rien qui vaille.