Impudence.

Scylle biforme fut femme jusques aux aisnes.[1]
Mais des chiens abbayans furent ses cuisses pleines,
L’avare, l’impudent, l’envieux monstre on void:
Mais qui a la pudeur, jamais tel n’apparoit.

Commentaires.

Scylle, fille de Phorcius, fut esprise de l’amour de

Glauque. Circe , qui aimoit aussi le mesme Glauque,
charma tellement, avec herbes venimeuses & ensor-
celees, la fontaine où Scylle se souloit laver, que
quand elle y voulut entrer (ignorant le malheur que
Circe luy avoit appresté) elle fut toute esbahie, que
ses parties basses furent changees en testes de chiens
qui monstroyent les dents, & jappoyent. Ayant hor-
reur d’une si grande deformité, elle se precipita en
mer, où soudain elle fut convertie en un roc. Les poë-
tes, & plusieurs autres, parlent de ceste fable. Sallu-
ste dit, que ce n’est autre chose qu’en rocher eslevé en
mer, qui, veu de loing, semble avoir la ressemblance
d’une femme: pource que les flots, qui vont battre
contre ce roc, rendent un son semblable à l’hurlement
& jappement des loups & des chiens, celà a donné
  Link to an image of this page  [Q6r p251] occasion aux poëtes, de dire que Scylle estoit environ-
nee de tels animaux jusques aux aisnes. Alciat rap-
porte cecy à l’impudence, qui ordinairement accom-
pagne ces trois vices, furieux, l’avarice ou rapine, l’au-
dace, & l’envie: qui bien souvent se cachent sous l’ap-
parence exterieure des hommes & des femmes. Qu’est
ce que n’ose entreprendre un impudent, qui pense
que tout luy est loisible, qui n’estime rien estre des-
honneste? Le mot latin, dont use Alciat, ne signifie
pas envie: Mais Minos l’a ainsi expliqué.