La foiblesse est subjecte à estre ac-
cablee.

La doree souvent la povre anchoye attrappe,
  Link to an image of this page  [Q8r p255] Si soudain au dessus de l’eau elle n’eschappe:
Mais là elle est encor du foulque & plongeon prise.
Helas! par tout se void la foiblesse surprise.

Commentaires.

Les riches, & ceux qui sont bien à leur aise, se mettent
aisement à la soute: mais les pauvres & les foibles, de
quelque costé qu’ils se tournent, sont subjects de tum-
ber au precipice. Ce qui advient à plusieurs plaideurs,
à ceux, dis-je, qui nont nuls amis, nuls Mecenes, nuls
moyens. Ils appellent d’un juge à l’autre, mais ils ne
treuvent non plus de justice au dernier qu’au premier.
Quand le povre n’a rien, dont il puisse faire present au juge
il n’est pas seulement mesprisé, mais son droit luy est
entierement renversé, Doree est un poisson, ainsi
nommé à cause de sa couleur, qui est doree. Anchoye,
sardes, & sardines, sont souvent comprinses sous
un mesme mot latin.