Aux bastards.

Celebrez, ô bastards, d’Hercule la memoire:
Car il est de vous tous & le tige & la gloire.[1]
Jamais Dieu ne peut estre,[2] avant que par cautelle
On luy eust faict succer de Junon la mammelle.[3]

Commentaires.

Le temple d’Hercules, en Athenes, estoit en un
lieu nommé Cynosarges, lieu dedié à l’exercice des
bastards, lesquels les Atheniens ne vouloyent pas
laisser mesler avec les legitimes: Mais Themistocle
tascha d’enfraindre & renverser cest ordre, invitant
plusieurs des legitimes à se venir exercer avec les ba-
stards. Jupiter, pour acquerir lettres de deité à son
fils Hercule, luy fit prendre la mammelle de Junon
pendant qu’elle dormoit. Les sages Princes & legi-
slateurs, ont pourveu au desbordé appetit de paillar-
dise ou concubinage, punissans les peres en leurs en-
fans, qu’ils declaroyent comme inhabiles à toutes -
charges honorables. Le proverbe commun dit, que
bastard ne fit jamais beau faict. Mais ce proverbe
  Link to an image of this page  [M8v p192] n’est pas sans exception, tesmoins Enee, Themistocle,
Romule, Constantin le grand, Guillaume de Norman-
die,le Comte de Dunois, & infinis autres.