La sagesse humaine est folie devant
Dieu.[1]

Comme aura nom ce monstre à double forme,
Qui homme n’est, ny serpent, mais difforme?
Homme sans pieds, & un serpent sans teste,
Pieds serpentins, mais homme par le reste.
Homme petant le serpent, & serpent
Qui rotte l’homme, & n’a commencement,
Non plus que n’a fin aucune cest homme.
Tel fut Cecrops[2] Athenien: en somme
Tels les geants, que la terre produist.
Semblable forme aux fins & rusés duit,
Qui, sans souci de paradis acquerre,
Ne pensent rien qu’aux choses de la terre.[3]

Commentaires.

Je croirois volontiers, qu’Alciat par cest emble-
me a voulu pinser quelcun de ceux de son temps.
L’embleme n’est pas sans obscurité. Par ce monstre
difforme, (qui n’est du tout homme, ny du tout ser-
pent, mais de nature double, & auquel on n’a peu en-
cor bonnement trouver nom propre,) sont designés
ceux, qui ayans receu de Dieu une ame raisonnable,
ne pensent neantmoins qu’à la terre: & ne tenans
compte de leur meilleur & principale partie, rampent
  Link to an image of this page  [N1r p193] icy bas, & degenerent en nature bestial. Car ce mon-
stre ne finit pas en homme, & le serpent n’a point de
commencement. Aussi les disciples d’Epicure ne re-
gardent aucunement à la fin, pour laquelle Dieu les
a creés participans de raison: ains abusent miserable-
ment de la vraye raison, l’emprisonnans avec leur
raison sensuelle & pernicieuse. Cecrops fut le premier
Roy d’Athenes, & qui y bastit la forteresse. Les fa-
bulateurs tiennent que luy le premier institua le ma-
riage, & pourtant fut surnommé, de double nature:
pource que par le mariage il avoit conjoint deux e-
speces en une. Autres, & peut estre plus sainement,
disent qu’il a esté ainsi nommé, pource qu’il a esté le
premier inventeur de la superstition & de l’idola-
trie.