Contre les Astrologues.

ICare, tu voulus par l’air voler si haut,
Asseuré seulement de tes plumes de cire,
Que fondues plustost que lon ne pourroit dire,
Dans les flots de la mer te donnerent le sault.
Mais de la cire mesme icy on t’a pourtrait
Par la force du feu, pour servir de memoire
A ceux, qui trop saisis de quelque vaine gloire,
Osent voller trop haut, & plus que lon ne doit.
Ainsi, que l’Astrologue arresté au plus seur
Ne pronostique rien de plus haut que nature:
Car faisant autrement, se verra l’imposture
Cause de sa ruyne, & danger, & malheur.

CEcy est du Grec de Julian, & s’accom-
mode contre quelques faulsaires & im-
posteurs Astrologues, qui s’efforcent par
dessus la capacité humaine, & pensent bien
pouvoir atteindre par la force de leur enten
dement, & à l’ayde de leur science pleine de
faulseté, les choses qui sont fort eslongnees
de l’esprit humain: de maniere que leur im-
posture estant descouverte, ils tombent en
moquerie & pauvreté.