Reverence est requise en mariage.

Quand le Serpent, pour s’accoupler,
Appelle en sifflant la Lamproye:
Avant qu’à elle s’assembler,
Il jecte son venim par voye:[1]
Partant il faut que chacun croye,
Qu’au mariage honneur est deu,
Si qu’au mariés on ne voye
Jamais venim en aucun lieu.

commentaires.

La vipere, la plus meschante & la plus cause de

tous les serpents, de desir de s’accoupler, s’en
va au bord de la mer, & là par son siffler fait enten-
dre sa venue à la lamproye son amoureuse: laquelle
attendant, elle jecte & vomit tout son venim au pro-
chain buisson, à fin de s’accoupler en toute netteté &
sincerité avec son espouse. La lamproye sort inconti-
nent de le mer, & lors ils se joignent ensemble: Quoy
faict l’une s’en reva en la mer, l’autre, ayant rehumé
son venim, regaigne sa tasniere. Cecy nous apprend
que les mariages doyvent tousjours estre vuides &
& exempts de tout venim, mauvais mesnage, & sinistre
imagination, s’aimans uniquement, & se rendans
tous devoirs l’un à l’autre.