Non luicter contre un mort.[1]

Hector jusqu’à la mort blessé
Fut par les Grecs ses haineux pris:[2]
Et tantost de cordes troussé:

Lors dit à ceux qui l’ont surpris:
Faites comme avez entrepris:
Ores je vois vray le proverbe,
Qu’au Lion ja de mort espris,
Les Lievres vont tirer la barbe.[3]

commentaires.

Hector, fils du Roy Priam, & le plus fort de tous
les Troyens, apres avoir plusieurs fois vaincu ses enne-
mis, faict prendre la fuite à tous les Grecs, & garen-
ti sa patrie contre tous leurs efforts, en fin, sans qu’il
y prinst garde, fut percé d’outre en outre par la lance
d’Achilles, lequel l’ayant faict attacher au derriere
de son chariot, le traina à l’entour des murailles de
Troye. Or comme les Grecs virent Hector porté par
terre demi mort, ils se jecterent sur luy, & luy firent
mil insolences & vituperes. Mais il leur dit, Trainez
moy: tormentez moy selon vos passions desreiglees:
  Link to an image of this page  [F2r p83] ainsi souvent les timides lievres osent arracher la bar-
be au lion, lors qu’ils le voyent mort, & avoir les
yeux fermés. Ciceron soustient qu’Hector estoit du
tout mort, quand il fut attaché au chariot d’Achil-
les. Or est-ce une chose honteuse, ridicule, & du tout
indigne d’un coeur genereux & vaillant, de braver
& combattre ceux qui sont desja privés de vie, les-
quels, s’ils vivoyent, à grand’ peine oseroit on regar-
der entre deux yeux. Mais les morts ne mordent
plus.