Le mal acquis, mal se dissippe.[1]

Le goulu milan vomissoit
Ce qui par trop le remplissoit.[2]
Ma mere, helas, je suis perdu,
  Link to an image of this page  [] Disoit-il, mes boyaux s’en vont.
Pourquoy, dit-elle, pleures-tu?
Ces trippes tiennes point ne sont.
De seule rapine tu vis,
Et seule rapine vomis.

Commentaires.

L’ancien proverbe disoit, que le riche estoit me-
schant, ou heritier du meschant. Et du bien malac-
quis ne jouït guieres le troisieme heritier. Nous voy-
ons tous les jours, que les biens mal acquis, se dissip-
ent encor plus povrement. Cest embleme est aussi pris
d’Esope. Ceux qui avidement, & sans raison, se sont
gorgés de la substance de leur prochain, ne doyvent
pas trouver estrange, si la justice divine les despouil-
le & les prive, non seulement des biens mal acquis,
mais aussi des leurs propres, & si soudainement, qu’on
ne l’a peu prevoir.