Estre sobre, & ne croire de leger.

Ne croire de leger, estre sobre,[1] Epicharme
Estre membres disoit, & nerfs d’une bonne ame.
La main voyant ne veut croire que ce qu’on void,[2]
Et le beau pouliot sobres rendre nous doit.
Ces signes là monstrant à son peuple Heraclite
Appaisa leur fureur & rage non petite.[3]

Commentaires.

Alciat commande icy deux choses, que nous soy-
ons sobres, & que nous nous gardions de croire de
leger: & à ces fins employe ces deux symboles, le pou-
liot & la main garnie d’un oeil. Epicharme, natif de
Sicile, Philosophe & poëte, inventa la Comedie. Nous
  Link to an image of this page  [O2v p212] avons parlé cy dessus du Philosophe Heraclite. Plu-
tarque recite, qu’en une grande sedition, qui estoit
survenue entre ses concitoyens, il fut requis par eux
de s’employer à les mettre d’accord. Pour ce faire il
monta en chaire, remplit une tasse d’eau froide, y
mesla un peu de farine, & du pouliot, beut toute ceste
mistion, & puis s’en alla, les voulant enseigner sans
parler, que la plus part des seditions & guerres civi-
les proviennent du luxe & du trop grand aise: mais
on void ordinairement que la paix & la concorde se
nourrit & s’accroist entre ceux qui se contentent de
peu, & qui ne recerchent que ce qui leur est neces-
saire.