Switch to Dual Emblem Display

Link to an image of this page  Link to an image of this page  [O2v p212]

Soustien & t’abstien.

LIIII.

La mauvaise fortune il faut patiemment
La porter: & la bonne, il la faut bien souvent
Craindre. Epictete avoit ces mots, Soustien, Abstien.
Il faut beaucoup patir: & de ce qui n’est tien,
Link to an image of this page  Link to an image of this page  [O3r p213] Ou qui est illicite, il t’en faut abstenir.
Ainsi void-on le joug de son maistre subir
Le fort puissant taureau quand on luy lie & tient
Le jarret droit, & lors des preignes il s’abstient.

Commentaires.

Epictete par ces deux mots, qui servent d’inscri-
ption à cest embleme, a comprins tous les preceptes de
bien vivre. Par le premier il exhorte à patience, de
laquelle estans pourveus, nous pouvons constamment
porter tout travail & toute la mauvaise fortune qui
nous pourroit survenir. Par le second il defend le luxe
& la volupté venerienne. La vertu est foible, si elle
n’est soustenue par la patience: comme aussi elle est
perdue & estouffee, quand une fois nous nous laissons
emporter au luxe. Quand les Egyptiens vouloyent
designer un homme modeste, & qui aisement se de-
stournoit du mal, ils peignoyent un taureau qui estoit
lié par le genouil droit: car ainsi geiné, il devient
doux, & se rend traictable.



Iconclass Keywords

Relating to the image:

    Relating to the text:


    Hint: You can turn translations and name underlining on or off using the preferences page.

     

    Back to top