Switch to Dual Emblem Display

Link to an image of this page  Link to an image of this page  [Q2v p244]

Le devoir des bons Juges.

LXXXVIII.

De marbre une colonne en un tumbeau dressee,
Que tu vois d’une aiguiere & d’un seau entouree,
D’un juge entier & droit le sepulcre revele,
Qui les mains pures eut, & l’ame nette & belle.

Commentaires.

Le seau & l’esguiere sont le vray symbole d’un
juge entier & droiturier: car, estans mises sur son se-
pulcre, elles tesmoignent son equité & innocence en
l’administration de la justice. Quand ces vertus sont
en un juge, elles le rendent fort recommandable: mais
si elles n’y sont, il ne le faut plus tenir pour juge, mais
pour un impie & cruel bourreau. Un Juge se doit per-
petuellement souvenir, qu’il a Dieu pour juge, de
l’oeil duquel il ne se peut cacher. Le lavement des
mains estoit autresfois un ouvert tesmoignage d’in-
nocence. On dit que ceux ont les mains pures, qui
ont passé leur vie en toute integrité & droiture.



Iconclass Keywords

Relating to the image:

    Relating to the text:


    Hint: You can turn translations and name underlining on or off using the preferences page.

     

    Back to top