Switch to Dual Emblem Display

« Previous EmblemNext Emblem »
Link to an image of this page  Link to an image of this page  [A5v p10]

ARMOIRIE ET
DIVISE DES GROS.

Shield crest with Eagle on it. Caption around it 'A DOMINO FACTUM EST ISTUD.'
[Click on image to enlarge]

En cest escu bordé à triple poincte,
De neuf Besans, & l’Aigle au mylieu pincte,
Representé est le Celeste Monde.
Les neuf Besans formez en sphere ronde,
Sont les neuf Cieux en nombre, qui est faict
De trois fois trois, sur tous le tresparfaict
Par estre imper, d’impers nombres constant.
L’aigle en hault vol tout oyseau surmontant,
Le Signe estoit des legions Romaynes
Qui toutes gens, & nations humaines
Soubz telle enseigne ont soubmis, & vincu.
Par lequel Aigle, occupant tout l’Escu,
De teste, & queuë, & des piedz, & des ailes,`
Et du hault vol au large espars, d’icelles,
Link to an image of this page  Link to an image of this page  [A6r p11] Par tout le champ, & le vuyde estendu:
L’esprit divin Sages ont entendu.
Par le grand monde universel diffus.
Par tout vollant, en tout mouvant infus.
Qui tout en tout est, & en chescun lieu,
Ame du monde universel, c’est Dieu.
Parquoy aussi les Poëtes sacrez
En leurs haux sens, & mysteres secretz,
Disent, l’Aigle estre oyseau de Juppiter.
L’esprit de Dieu voulans l’interpreter.
Qui le beau filz Ganymedes ravit:
C'est l’innocent, qui en Dieu s’esjouit.
Et les neuf cieux ònt finct par les neuf Muses.
Ou sont de Dieu toutes vertus infuses.
Cest escu donc’ soubz figure, & en ombre
De son Blazon, porte le parfaict nombre,
Haulte puissance, en terre plus pouvant.
Les neuf cieux rondz, & l’Esprit les mouvant.
Et tout ce a faict le Seigneur de ses mains.
Qui donne tout, & n’a pourtant rien moins.
Telle armoirie ònt ceux, lesquelz on nomme
Du brief surnom, du plus riche de Romme.
A l’un desquelz ce livre est dedié,
Et apres luy aux autres publié.

« Previous EmblemNext Emblem »

Iconclass Keywords

Relating to the image:

Relating to the text:

Hint: You can turn translations and name underlining on or off using the preferences page.

 

Back to top