Switch to Dual Emblem Display

Link to an image of this page  Link to an image of this page  [B7e p29]

ELOQUENCE SUYT SAPIENCE

Pourquoy Pallas est elle es tours haultaines
Sur le donjon de sa cité d’Athenes?
Pourquoy vient l’à [=là] le bien parlant Mercure:
Qui faict sans clef des portes ouverture
Es grandz Palaix de Minerve la vierge,
Par la vertu de sa magicque verge?
En se faisant faire facile entrée,
La ou il veult aller à voie oultrée?
Pourquoy se siet une fille à la porte,
Qui luy defend l’entrée: & soubdain morte
Transie elle est en statue de pierre,
De couleur palle, & de plombine terre?
Est ce pourtant que vraye est la sentence
Du bon Socras, par laquelle s’entend ce
Que tousiours est, es villes de renom
Moyen d’apprendre, & es villages, non?
Est ce pourtant que la ou est Sapience
La vole aussi la douceur d’Eloquence?
Link to an image of this page  Link to an image of this page  [B7v p30] Qui la porte oeuvre, & qui entrée donne
Vers sapience, à la Nature bonne.
Laquelle aux lieux de hault nom arrivant
Sobdain luy vient triste envie aut [=au] devant
Pour l’empescher: mais tant est esbahie
De l’Eloquence entre tous bien ouie :
Qu’elle demeure en ectase estonnée
Muëte, ainsi comme en pierre tournée.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top