Switch to Dual Emblem Display

Link to an image of this page  Link to an image of this page  [I8v p144]

L’AVARICIEUX EST POVRE.

Tantal damné est en chatre infernelle,
A endurer faim, & soit [=soif] eternelle.
Plongé en l’eau jusque à la prime levre,
Dextreme soif a continue fievre,
Mais quand le chef enclin pour boire il baisse:
Le’au se defond: & puyser ne se laisse.
Il est aussi grande faim endurant.
Et sur son nez pend le fruyct odorant.
Qui par l’odeur l’aguise en appetit.
Mais quand il cuyde en prendre un bien petit:
L’Arbre se haulce: & ses branches retire.
Ainsi Tantal se tourmente en martyre.
Et malheureux, entre deux mis en vain,
Des eaux, & fruictz, meurt de soif, & de faim.
Link to an image of this page  Link to an image of this page  [K1r p145] Ce compte icy de Tantal malheureux,
Est faict de toy (Homme Avaricieux)
Soubz nom changé. Qui entre tes richesses
As faim, & soif, & ne t’en fais largesses.
Et si ne sais quel usage a l’argent.
Mais en grandz bien vis povre, & indigent.



Iconclass Keywords

Relating to the image:

Relating to the text:


Hint: You can turn translations and name underlining on or off using the preferences page.

 

Back to top