HISTORIA VIRTUS FIT SPLEN-
didior.

UT clipeus ex lucido politoque chalibe conflatus, si radiis
exponatur solaribus, suum duplicat splendorem, quem
longè lateque in circuniacentia loca diffundit: haud secus con-
tingit viro virtutibus, ac rebus egregiè gestis illustri: cuius no-
men per se satis clarum, si luci committatur historiae, acquirit
duplices radios, quos undique diffusos historica eloquentia
transmittit ad posteritatem. Multum est hominem dotatum
esse à Deo immortali pietate, iusticia, magnanimitate, tempe-
rantia, prudentia, aliisque virtutibus quae magnos reddunt vi-
ros, eosque Deo similes efficiunt. Qualitates tamen hae multo
redduntur commendatiores, dum sortiuntur historiogra-
phum, tantis dotibus describendis idoneum. Possunt enim
fulgetris & tonitruis coeli comparari, quae certis audiuntur
videnturque momentis, subitò tamen evanescunt, nullo in nu-
bibus sui relicto indicio, quo probentur aliquando effulsisse.
Benè consultum à Diis immortalibus fuisse Achilli dicebat A-
lexander Macedo, qui Homerum praeconem suarum virtutum
nactus esset. Difficilimum est partam retinere fortunam,
ne mutetur. Nec minor est virtus quàm
quaerere, parta tueri.

HISTORIA VIRTUS FIT SPLENDIDIOR.

Through telling the tale, virtue becomes more sparkling

EGregius frustra virtus se bellica gestis
Inflat. & ad laudes nititur ire suas.
Nî scriptis vulgata eius sit fama per orbem,
Et fiat radiis clarior historiae.

In vain military virtue puffs itself up when honours have been won, and strives to gain the praises due to it, unless its reputation is spread in writing through the world, and it becomes brighter through the rays of history.