PRUDENTER TEMPORE ET
loco.

PRudentia est rerum expetendarum scientia. In qua duo vi-
tia plerunque inveniuntur. Unum, cùm incognita pro co-
gnitis habemus, iisque temerè assentimur. Quod qui volet ef-
fugere, ad res considerandas, adhibere debet & tempus & dili-
gentiam. Alterum vitium est cùm nimis magnum studium,
multamque operam, in res obscuras & difficiles conferimus,
easque non necessarias. Cùm autem haec virtus maximè sit ac-
commodata societati humanae; prudentem virum non opor-
tet esse morosum, non difficilem, neque alienae simplicitatis
contemptorem. Sed ut proximo prosit, sese quàm potest aptis-
simè, accommodabit; nunc severitatem comitate leniet, nunc
tristitiam laetitia moderabitur: omnesque actiones tempori &
loco congruas reddet. Est ubi loquendum severiùs, est ubi
blandiùs, est ubi magnificentiùs, est ubi submissiùs, est ubi iu-
cundiùs, est ubi duriùs. id si fiat citra perfidiam, prudentia est;
quae tutissimus est murus: neque enim collabitur, neque pro-
ditur. Multa sunt incommoda in vita, quae sapientes commo-
dorum compensatione leniunt. Stulti & imprudentes nec
vitare venientia possunt, nec ferre
praesentia.

PRUDENTER TEMPORE ET LOCO.[2]

Wisely as to time and place

QUod gerit haec larvam, non est ut fallat: at illa
Aptat personam casibus atque locis.
Laeta est & tristis, quoties occasio poscit:
Temporibus vultus commodat illa suos.

Because this woman bears a mask, it is not so that she may deceive; rather she fits her person to the situation and to the place. She is happy and sad, as often as the occasion demands: she suits her face to the time.