STUDIO ET VIGILANTIA.

SI superfluae sollicitudines vituperandae sunt, negligentia
quoque aliud extremum vitium non minorem meretur re-
prehensionem. Vita enim hominis nihil aliud esse debet, quàm
assidua occupatio circa res pias, honestas, & necessarias, tam
publico statui, quàm privato. Inter ea autem quibus sese prae-
clara ingenia debent occupare, Philosophia, liberaliumque
artium scientiae primum locum habere debent: quòd ex iis
comparetur animorum instructio, & eruditio, morum praeci-
pua: quibus rebus nihil est quod meritò praeferri possit. Nam
cùm Philosophiae partes variae sint; una de vita & moribus tra-
ctat: alia creatarum rerum naturam & ordinem docet: tertia
disserit rationibus quid verum & quid falsum sit, quid rectum
aut pravum. Quae singula in se habent satis quod ad benè for-
mandum hominis animum faciat; & delectationem summam
pariat. Tota enim frugifera est, tota utilis, & voluptate plena.
Ea enim hominem primùm ad Dei cultum, tum ad modestiam,
magnitudinemque animi erudit: eademque ab animo, tanquam
ab oculis, caliginem depellit: Talis est Philosophia, cui qui pa-
reat, omne tempus aetatis possit sine molestia degere. At
in ea conquirenda, studio & vigilantia
est opus: assiduo parta labore
venit.

STUDIO ET VIGILANTIA.[2]

Through study/assiduity and vigilance

MAgnificas secum studium & vigilantia laudes
Promovet, armigerae praemia grata Deae.[3]
Quod cristata notat torva super aegide cassis,
Noctuaque aggestos quae premit ungue libros.

Study/assiduity and vigilance bring with them wonderful praise, the pleasing rewards of the armourbearing Goddess. The plumed helmet above the fierce shield denotes this, and the night-owl which presses with its claws (i.e perches) on the books which have been assembled.