VOLUPTATIS USURAE MORBI.

NIhil servilius abiectiusque est, quàm voluptatibus obno-
xium videri. Insaniam aufert medicus; voluptas cùm aequè
mentem eripiat homini, vix sanabile malum est. Nulla capita-
lior pestis hominibus à natura data est, quàm voluptas. Nam
ex hoc fonte prodit quicquid est in hominum vita scelerum &
calamitatum. Voluptati inhonesta parata est comes poeniten-
tia. Quàm optimè hoc natura comparatum est, ut hae duae res
sese invicem comitentur, voluptas & dolor. Luxu nihil tur-
pius: Libido pecudem ex homine reddit. Fluit voluptas, &
prima quaeque evolat; saepiusque relinquit causas poenitendi,
quàm recordandi. Plerique propter voluptatem, & parvam &
non necessariam, tum in morbos graves, tum in damna, tum
in dedecora incurrunt: saepe etiam legum, iudiciorumque poe-
nis obligantur. Quò maior est voluptas, eò magis mentem à
sua sede & statu dimovet. Quapropter qui voluptatibus du-
cuntur, & se vitiorum illecebris, & cupiditatum lenociniis de-
diderunt, ad Reipublicae gubernacula non sunt admittendi.
Fieri enim non potest, ut animus libidini & cupiditati dedi-
tus, prudentia valere, consilio prodesse, & discernere ve-
rum à falso possit; ne dum aliis consulere, cùm
sibi ipsi sit inutilis.

VOLUPTATIS USURAE MORBI.

The interest paid on voluptas/pleasure is sickness

SPerne voluptatem: multorum est esca malorum.
Solicitus moeror cui solet ire comes.
Illius usurae morbi, dolor, angor, egestas;
Et pudor, & nudo corpore pauperies.

Shun Voluptas: it is the bait of many evils, to which mournful grief is accustomed to come as a companion. The interest it earns are: sicknesses, pain, torment, want, and shame, and poverty with a nude body.