MENS INCONCUSSA MALIS.

CUm sapientia donum Dei sit; nosque à malarum cupidi-
tatum impetu & violentia vindicet; ipsiusque fortunae in-
iuriam modestè ferre doceat, omnes nobis aperiat vias, quae
ad quietem & tranquillitatem animi ducant; ea nihil esse po-
test optabilius, nihil praestantius, aut homine magnanimo di-
gnius. Cùm perceptas penitus & pertractatas humanas res ha-
bere doceat, nihil admirari cùm acciderit; nihil antequam e-
venerit, non evenire posse arbitrari. Itaque Sapientis animus
magnitudine consilii, tolerantia rerum humanarum, con-
temptione fortunae, virtutibus omnibus septus, vinci aut ex-
pugnari non potest. Est enim Sapientis quicquid homini ac-
cidere possit, ad id praemeditari, & ferendum modicè, si evene-
rit: nihil illi videri magnum in rebus humanis: cùm semper a-
nimo sic excubet, ut ei nihil improvisum accidere possit, nihil
inopinatum, nihil omnino novum. Atque idem ita in omnes
partes aciem intendit, ut semper videat sedem sibi in coelis, &
locum sine molestia atque angore vivendi paratum: ut quem-
cunque in hac terrestri vita casum fortuna invexerit, hunc ap-
tè & quietè ferat. Abstrahit enim nos ab his corruptibi-
libus, ut firma spe, & vera fide possidea-
mus aeterna, & iis frua-
mur.

MENS INCONCUSSA MALIS.[2]

The mind / soul is unchanged by evil.

UT pelagi mediis rupes in fluctibus extans
Aestum commoti fert benè firma sali,
Sic vitae qui forti animo est ac mente, procellas,
Propositaque etiam morte, pericla feret.

As a rock rising in the middle of the waves of the sea, stands up firmly to the water of the rough sea, thus he who is of strong mind and soul stands up to the storms and dangers of life, even when death is before him.