L’homme de bien se mocque de l’Envie.

COmbien que la vertu, l’heureus succez, & l’évene-
ment desiré de toutes entreprises, soyent tousjours
subjets à l’injure d’Envie: si est-ce que l’homme de bien
ne peut estre reduit en telle presse de necessité, qu’il soit
contraint d’abandonner son devoir. et comme les mes-
chans mettent toute piere en oeuvre, pour ruyner, s’ils
peuvent, la gloire des bons, ainsi les personnes d’honneur,
s’ils entendent ou lisent le discours de quelque fait ge-
nereus, qui soit assaisonné de clemence, justice, mansue-
tude & sagesse, ils se sentent soudainement espris d’affe-
ction & bien-veüillance envers ceus qui en sont les au-
teurs, encores que jamais ils ne les ayent ny veus ny co-
gnus: car la vertu a cela de propre qu’elle se fait admirer
de tous. Sa perfection a mesmes tant de lustre, que quand
elle reflechit ses rayons sur nostre ennemi, & il s’en trou-
ve tant soit peu esclairé, elle nous rappelle à l’aymer. De
là rapportons que la vertu est au dessus de tout ce que nous
peut arriver, qu’elle nous fait mespriser les coups irreso-
lus de fortune: & que repurgée de tares & soüillures, elle
n’estime rien digne de soy que ce qui en procede. Qui
doncques establit son asseurance sur le rocher de vertu,
plustot que sur autre accident de ceste vie, se mocque des
vains essais d’Envie. En elle aussi se retrouvent toutes
sortes d’instrumens & de moyens pour agir bien & droi-
tement, d’autant qu’elle depénd [=dépend] de son propre pouvoir,
& travaille avec entiere liberté: & toutes choses ou elle
n’a part sont inconstantes, incertaines, & trompeuses.

VIR BONUS INVIDIAE SECURUS.

Qui puise son renom de la source eternelle
Des lettres & des arts, l’affranchit du tombeau:
Il l’esleve de terre & plus grand, & plus beau,
Et trompette dans l’air sa louange immortelle.
Qu’Envie, de l’honneur outrageuse sequelle,
Se musse au creus beant de son antre abbatu:
La reputation de l’homme de vertu,
Garanty de ses dards, sur les astres excelle.