Switch to Dual Emblem Display

« Previous EmblemNext Emblem »
Link to an image of this page  Link to an image of this page  [E2v]

Plus par doulceur que par force.

One man stands wrapped in a cloak underneath a blowing wind. Another man stands naked, his cloak discarded on the ground beside him underneath a sunburst.
[Click on image to enlarge]

Contre la froidure du vent,
L’homme se tient clos & se serre,
Mais le Soleil le plus souvent
Luy faict mettre sa robe à terre.

Link to an image of this page  Link to an image of this page  [E3r]

QUand le vent est fort et subit,
Violent pour robe emporter,
L’homme se serre en son habit,
Affin qu’il ne luy puisse oster,
Mais quand le Soleil vient jecter
Sur luy ses rays clers & luysantz.
Le chauld le faict sans arrester
Despouiller ses habitz plaisantz.

★ Ainsi amytié & doulceur
Faict plus que force & violence.
Doulceur est d’amour propre soeur,
Qui rend l’homme plein d’excellence.
Il ne fault doncq mettre en silence
Ceste tresnoble courtoisie:
Mais l’extoller en precellence,
Comme une vertu bien choisie.

★ Hommes, chassez de vous rigueur
Qui vostre grand beaulté efface,
Prenez de doulceur la vigueur,
Qui enrichira vostre face.
Doulceur a bien meilleure grace,
Qui rend le visage amoureux,
Que d’estre dict en toute place,
L’oultrecuidé, fol, rigoureuz.

Notes:

1.  Cf. Erasmus, Parabolae, drawing on Plutarch, Moralia, 802F. In Scève’s Délie (emblem 39, [FSCa040]), this motto is reused, but associated with an entirely different image.

« Previous EmblemNext Emblem »

Iconclass Keywords

Relating to the image:

Relating to the text:

Hint: You can turn translations and name underlining on or off using the preferences page.

 

Back to top