Switch to Dual Emblem Display

« Previous EmblemNext Emblem »
Link to an image of this page  Link to an image of this page  [G7v]

Trop esperer decoit.

A man stands in the sea, pointing skywards with the index finger of his right hand. On the shore in front of him is a globe encircled by a sash decorated with stars. The globe sits on a fire.
[Click on image to enlarge]

Qui a ung espoir trop ardent,
Souvent se met en grand danger,
De raison se faict estranger,
Et devient sot & imprudent.

Link to an image of this page  Link to an image of this page  [G8r]

CE qui est licite de faire,
Fault mettre à execution,
Et esperer de le parfaire
Par bonne disposition.
Garde que ton intention
D’espoir trop ardent ne se lie,
Comme ung qui sans discretion
Se mect en l’eau par sa folie.

★ Esperer fault choses honnestes,
Qui sont compaignes de raison,
Non par ardeur comme les bestes,
Sans limiter temps ne saison.
D’esperer bien à grand foyson,
Par une ardeur trop excessive
On loge son cueur en prison,
Sans avoir joye tant qu’on vive.

★ De vouloir trop hault esperer
Sans moyen & vraye mesure,
Cela est à vituperer
Et l’entreprinse trop peu seure,
De s’aller mettre à l’adventure,
Pour accomplir son esperance.
La chose est trop trouble & obscure,
Je n’y voy poinct bonne asseurance.

Notes:

1.  For the ‘sphère céleste’, see emblem 41 ([FCGa041]).

« Previous EmblemNext Emblem »

Iconclass Keywords

Relating to the image:

Relating to the text:

Hint: You can turn translations and name underlining on or off using the preferences page.

 

Back to top