Switch to Dual Emblem Display

« Previous EmblemNext Emblem »
Link to an image of this page  Link to an image of this page  [M5v]

Pardonner aux vaincus & guerroyer
les orguilleux.

A griffin overpowers a lion which is attacking a dog.
[Click on image to enlarge]

Le chien est du Lyon vaincu
Qui ne le veult pas devorer,
Le Griffon cruel & becqu
Veult le fier Lyon deschirer.

Link to an image of this page  Link to an image of this page  [M6r]

MOy petit chien n’ayant rebelion,
Me rendz vaincu & subject du Lyon,
Je me submectz à son vouloir puissant,
Comme son serf & vray obeyssant,
Et luy voyant ma nature tant bonne
Me laisse en paix & du tout me pardonne,
Me retenant son subject seulement
Prest d’obeyr à son commandement,
Et par cecy ung chascun peult congnoistre
Qu’il fault ployer au devant de son maistre,
Car nul ne peult s’oster du joug pesant
S’il ne se faict petit humble & taisant,
Tout au contraire ung Griffon merveilleux
Tient le Lion soubz ses piedz perilleux
Comme vaincu, & tant plus l’ung s’efforce
Pour eschapper, l’aultre prend plus de force
Pour le tenir soubz ses ongles poinctus
Dont les cruelz & fortz a combatus:
Cestuy Lyon tant fier & courageux
Treuve ung Griffon encor plus oultrageux,
Doncq si au simple on faict quelque doulceur
A l’opposite au cruel agresseur
On faict rigueur contention & guerre,
Car aultrement on ne le peult conquerre.

Notes:

1.  Cf. Vergil, Aeneid, 6.853; Pliny, Natural History, 8.48.

« Previous EmblemNext Emblem »

Iconclass Keywords

Relating to the image:

Relating to the text:

Hint: You can turn translations and name underlining on or off using the preferences page.

 

Back to top